सगरमाथा राष्ट्रिय निकुञ्जले  चालु आवकाे ११ महिनामा १३ करोड ५९ लाख ६४ हजार २ सय ७ रुपैयाँ १८ पैसा राजश्व सङ्कलन गरेको छ ।

चालु आर्थिक वर्ष २०८०\०८१ को साउनदेखि ज्येष्ठसम्म ११ महिनाको अवधिमा सो राजश्व सङ्कलन गरेको निकुञ्जका संरक्षण अधिकृत मनोजकुमार मण्डलले जानकारी दिनुभयो ।

गत आर्थिक वर्षको सोही अवधिमा निकुञ्जको राजस्व १३ करोड ७८ लाख रहेको थियो । निकुञ्जको तथ्याङ्क अनुसार सोही अवधिको राजश्व सामान्य मात्र वृद्धि भएको छ ।

यस्तै चालु आर्थिक वर्ष ११ महिनाको अवधिमा ५५ हजार बढी पर्यटकहरूले सगरमाथा राष्ट्रिय निकुञ्जको भ्रमण गरेका छन् ।

चालु आर्थिक वर्षको साउन देखि ज्येष्ठसम्म ५५ हजार नौँ सय ७९ जना आन्तरिक तथा बाह्य पर्यटकहरूले सगरमाथा राष्ट्रिय निकुञ्जको भ्रमण गरेका हुन ।

यस्तै गत वर्ष सोही अवधिमा ५६ हजार पाँच सय ६१ जना पर्यटकहरूले निकुञ्जको भ्रमण गरेको सूचना अधिकारी मण्डलले जानकारी दिनुभयो ।